Bawat tao’y dumaraan sa bawat pagsubok
Bagay na hindi inaasahan bigla na lamang dumarating
Ganun pa man huwag manatili sa isang sulok
Patuloy lang ang pagsulong sa bawat landas na tatahakin
Bawat nilalang ay nakararanas ng problema
Bawat sitwasyon ay sadyang may surpresa
Mga hindi inaasahang sulirani’y dumarating
Kumapit lamang sa Maykapal upang ito’y pawiin
Patuloy lang bumangon,huwag malugmok
Walang mangyayari kung ika’y magmumukmok
Ika’y may kaagapay sa muli mong pag angat
Diyos na Makapangyarihan nangunguna sa lahat
Harapin ang bukas ng buong sigasig
Pananampalataya’y panatilihin ng walang ligalig
Ingatan ang buhay at biswal nitong kahulugan
Manatili sa pagsulong ng walang alinlangan
My Pen and Soul 