Nakahimlay, nakapikit ang mga mata
Hindi makatulog,mukha mo ang syang nakikita
Mga ala alang iyong iniwan sa’kin
Iyong mga ngiting nakapagpapaluwag
nitong damdamin
Ako’y nananabik na mahagkan kang muli
Masilayan man lang ang bawat ngiti sa iyong labi
Sadyang kaylungkot na ito’y pangarap nalang
Sapagkat sa pagmamahalan natin
ay madaming hadlang
Inilayo ka man sa’kin
Pangako balang araw ika’y hahanapin
Aking tutuparin bawat pangarap
Nang sa tamang panahon ika’y madali kong
mahagilap
Nawa’y manatili ang iyong pagmamahal
‘Yan sa Maykapal ang tangi kong dasal
Nawa’y damdami’y hindi magbago
Hanggang dumating ang tamang oras
Na tayo’y muling magkatagpo
