Salamat sa mga oras na iyong ibinahagi sa’king pag iisa
Lungkot ko’y napapawi,bawat luha’y tumitila
Marahil ikaw na nga ang syang ipinagkaloob ng Tadhana
Mapunan ang aking buhay ng galak at saya
Salamat sa mga mumunting araw na tinig ko’y pinakikinggan
Kalungkutan ko’y nalilimutan sakit ng kalooban ko’y naiibsan
Kung tunay mang ako’y papalarin,ika’y hindi iiwan
Ipaglalaban kita,ngayon,bukas,magpakailan man
Salamat sa bawat inspirasyong iyong ibinibigay
Sa puso kong matagal ng nanirahan sa pagkalumbay
Nawa’y manatili ang bawat mong pagsubaybay
Sa’king landas Ikaw ang siyang tanging gabay
Salamat!
My Pen and Soul 