“Pinutol na ugnayan” ni Eureka C.Bianzon

Aking natatanto habang tumatagal
Damdamin ko’y pawang nagbabago
Hindi maipaliwanag  tila nauutal
Pag ibig na naradama tila naglalaho

Sa bawat paglipas ng araw
Pawang takip silim kung daratal
Sumisilip na dilim nawawalang silaw
Sinasambit ng puso nauupos na pagmamahal

Labis na hapyos ng kasiyahan
Nang aking puso’y nakaramdam ng katahimikan
Nang makalaya ang damdamin sa karimlan
Dulot nitong pinutol na ugnayan