Hindi lahat ng nakikita mong nakangiti sa larawan ay masaya
Hindi din naman lahat ng nakikita mong nakasimangot ay suplada
Sadya talagang sa mundo bawat bagay ay mahiwaga
Ang nakikita mo minsan taliwas sa iyong inaakala
Hindi lahat ng may magarang kasuotan ay masasabing mayaman
Hindi din naman masasabing ang tao ay mahirap kung palaging nakikitang naglalakad sa daan
Hindi mo malalaman kung iyo lamang pagmamasdan
Bawat bagay ay inaalayan ng panahon para mapatunayan
Gaya ng buhay hindi mo malalaman ang kahulugan kung hindi naranasan
Hindi mo masasabing kaysarap maging mahirap kung ikaw ay nagsimula sa yaman
Lalo mong mamahalin ang bawat mumunting bagay
Na iyong inalayan
Hindi lang ng sulyap kundi iyong kinilala pagkatapos pagmasdan
©mypenandsoul.com
(c) mypenandsoul author
Eureka Bianzon Robey
