Walang makahihigit pa sa salitang mahal kita anak

Kaysarap pakinggan na ang iyong mahal na ama ay nabanggit ang iyong pangalan

Sa mga ilang buwan na kanyang pananalita ay hindi magawa dahil sa karamdaman

Musika sa aking pandinig ng kanyang sambitin mahal kita anak

Puso ko’y nakaramdam ng magkahalong saya at galak

Sa bawat araw aking panalangin kaniyang karamdaman ay maibsan

Nang sa gayon ay mapalitan ng kasiyahan ang kanyang kalungkutan

Walang makahihigit pa sa salitang mahal kita anak mula sa magulang

Salitang kailanman ay hindi maipagraramot kahit pa ng karamdaman

My Father in Philippines who suffered from stroke last month, today I heard him telling me I love you my daughter. MUSIC TO MY EARS.❤

Panahon na nasayang hindi maibabalik

Sa bawat patak ng luhang pinupunasan

Na dahilan kung bakit unan ay kailangang higdan

Mga ala ala mula pagkabata’y nilillinayan

Mga panahong parehong atensyon ay kaya pang punan

Pagkalipas ng mahabang panahon bawat isa ay nagkaroon ng ugnayan

Bawat isa’y masaya sa piling ng bawat isa kung titignan

May alitan may , maya maya’y nagkakaunawaan

Nagkatampuhan man ,maya’t maya bawat isa’y hinahagkan

Lumipas ang napakahabang panahon tila ba nakaramdam ng pagkukulang

Ang isa naman ay kampante na lamang sa mga kinagisnan

Ang isa ay nagdadalawang isip kung nararapat pa ba

Relasyon ay bigyan halaga o sadyang tama na muna.

Naghiwalay , tinahak ang kani kaniyang landas

Bawat isa’y hindi na naisipan pang hanapin sa darating na bukas

Ngunit panahon ang makapagsasabi kung bawat isa’y magkikitang muli

Dumating ang sandali ngunit panahon na nasayang hindi maibabalik

Tula na aking isinulat matapos mapanood ang Through  Night and Day .